پولیس نے پی ٹی سی ایل کی کیبلز چوری کرنے والے7 افراد دھرلیے

ڈیفنس پولیس نے دوران گشت فیز ٹو سن سیٹ ایونیو کے قریب سے ملزمان کو کیبلز ٹرک پر لوڈ کرتے ہوئے گرفتار کرلیا۔
گرفتار ملزمان میں نظیر ولد عبدالرحمن،قادر بخش ولد مراد بخش ،لیاقت علی ولد کریم بخش ،بلال عرف سجاد ولد مراد خان ،منور علی ولد گل محمد ،نثار عرف عامر ولد گل محمد ،عظیم عرف عرفان ولد مولا داد شامل ہیں۔
ایس ایچ او ڈیفنس کے مطابق ملزمان کے قبضے سے تقریباً 1700 کلوگرام کیبلز برآمد ہوئی ہیں۔
پولیس نے گرفتار ملزمان کے خلاف ایف آئی آر نمبر 771/2020 بجرم دفعہ 411/413/34 پاکستان پینل کوڈ کے تحت مقدمہ درج کرلیا ہے
جبکہ پی ٹی سی ایل کی کیبل چوری کرنے میں استعمال ہونے والے مزدا ٹرک JX-0312 کو تحویل میں لے لیا ہے۔