معمولی تلخ کلامی پر کزن کو قتل کرنے والا ملزم گرفتار

رینجرز نے کارروائی کرتے ہوئے گلزار ہجری سے ملزم کو گرفتار کرلیا۔
گرفتار ملزم نے رواں سال 9 اگست کو گلستان جوہر میں اپنے کزن میر محمد کو معمولی تلخ کلامی پر قتل کردیا تھا۔
اس حوالے سے رینجرز ترجمان کا کہنا تھا کہ گرفتار ملزم مرزا محمد اسرار عرف کچی نے قتل کا اعتراف کر لیا ہے۔ ملزم نے دوران تفتیش بتایا کہ اس نے اپنے کزن میر محمد کو تلخ کلامی پر قتل کیا۔
ملزم قتل کرنے کے بعد گلزار ہجری کے علاقے میں روپوش ہوگیا تھا۔ گرفتار ملزم کو مزید قانونی کارروائی کے لیے پولیس کے حوالے کر دیا گیا ہے۔