ڈیفنس پولیس کی کارروائی۔بنگلے میں ڈکیتی کرنے والے ملزمان گرفتار

ڈیفنس پولیس نے بنگلے میں ڈکیتی کرنے والے ملزمان کو گرفتارکرکے لوٹا ہوا سامان،زیورات اورنقدی برآمد کرلی۔

تفصیلات کے مطابق ڈیفنس پولیس کو15 کال پر پیغام ملا کہ ڈاکو بنگلہ نمبر51۔ A / 2تھرڈ سن سیٹ اسٹریٹ فیز02 ڈی ایچ اے توسیعی میں ڈکیتی کر رہے ہیں۔اس اطلاع پر پولیس پارٹی نے  فوری طور پربنگلہ پرپہنچ کر ڈکیتی میں مصروف3ملزمان کوگرفتارکرلیا۔

پولیس نے ملزمان سے لوٹا ہوا سامان زیورات، ایک لاکھ 70ہزار روپے نقدی ،تین پستول اور13 راؤنڈ برآمد کرلیے۔

گرفتارملزمان میں محمد اسماعیل ولد بیشک،صفدرعلی ولد محمد اکبراورگل حسن ولد بخت علی شامل ہیں جن کیخلاف پولیس نے مقدمہ درج کرکے تفتیش شروع کردی۔

دوران تفتیش گرفتارملزمان نے گزری / درخشاں اورکلفٹن کے علاقوں میں گھروں میں چوری کی متعدد وارداتوں کا اعتراف کیا ہے۔