صدارتی الیکشن امریکا کے گلے پڑگیا۔کورونا کیسز میں ریکارڈ اضافہ

عالمی خبر رساں ادارے کے مطابق امریکا میں گزشتہ 24 گھنٹوں میں ایک لاکھ 23 ہزارسے زائد نئے کیسز سامنے آ گئے جو یومیہ بنیاد پر کورونا کیسز کا ایک ریکارڈ ہے۔

امریکا کورونا کیسزکی مجموعی تعداد اور ہلاکتوں کے لحاظ سے سب سے زیادہ متاثر ہونے والا ملک ہے جہاں مجموعی طور پر96 لاکھ سے زائد افراد کورونا سے متاثر ہوئے ہیں جبکہ 2 لاکھ 34 ہزارافراد ہلاک ہوئے۔

واضح رہے کہ دنیا بھر میں کورونا کے متاثرين کی تعداد 4 کروڑ 73 لاکھ سے تجاوزکرگئی ہے جبکہ اس مہلک وائرس سے ہلاک ہونے والوں کی تعداد 12 لاکھ سے زائد ہے۔