کندھ کوٹ میں ڈاکوئوں کےخلاف آپریشن میں خاتون ڈاکوسمیت3ہلاک۔

ایس ایس پی امجد احمد شیخ نے بتایا کہ کندھ کوٹ میں پولیس آپریشن میں پولیس کمانڈوزسمیت3 سوپولیس اہلکار،بکتر بند گاڑیاں اورہیوی مشینری کا استعمال کیا جا رہا ہے۔

اس حوالے سے ایس ایس پی کندھ کوٹ امجد احمد شیخ کا کہنا تھا کہ ڈاکوؤں کی فائرنگ سے6بکتربندگاڑیوں کوشدید نقصان پہنچا ہے۔پولیس کی فائرنگ سے گذشتہ روز3 ڈاکوؤں سمیت ایک خاتون ڈاکو بھی ماری گئی جبکہ 5 ڈاکو زخمی ہیں۔

پولیس نے گذشتہ روز مقابلے میں مارے گئے 3 ڈاکوؤں کی لاشیں واپس دینے سےانکار کردیا ہے۔ پولیس کا کہنا ہے کہ جب تک مغوی خاتون بچوں اوردیگر کو بازیاب نہیں کرینگے تب تک لاشیں نہیں دینگے۔مارے گئے ڈاکوؤں کی لاشیں تاحال اسپتال کے مردہ خانے میں پڑی ہیں۔

ایس ایس پی امجد احمد شيخ کےمطابق کچے کےعلاقے میں آپریشن میں پولیس کوبڑی کامیابی ملی اورڈاکوؤں سے بھاری تعداد میں گولیاں،راکٹ لانچر،کلاشنکوف اور ایل ایم جی برآمد کرلی گئی ہے۔

ایس ایس پی کےمطابق ڈاکوؤں کےخلاف آپریشن کچےکےعلاقے میں امن امان قائم کرنے میں اہم کردارادا کرےگا۔