خواجہ اجمیرنگری میں 7 سالہ بچے کو گولی مارنے والا سوزوکی ڈرائیور گرفتار

خواجہ اجمیرنگری کے علاقے میں 7 سالہ بچہ کو گولی مارنے والے سوزوکی ڈرائیور کو پولیس نے گرفتار کرلیا۔
ذرائع کےمطابق خواجہ اجمیر نگری کے علاقے نارتھ کراچی مچھی ہوٹل کے قریب واقع مکان نمبر885 میں فائرنگ سے7 سالہ خضرولد محمد شاہد زخمی ہو گیا بچے کو بائیں ٹانگ میں گولی لگی۔
پولیس نے جھگڑے کے دوران فائرنگ کرکے سات سالہ خضر کو زخمی کرنے والے ملزم رضوان کو گرفتار کرکے اسلحہ برآمد کرلیا۔
پولیس کے مطابق ملزم سوزوکی ڈرائیور ہے پولیس نے مقدمہ درج کرکے مزید تفتیش شروع کردی۔