گزشتہ 24 گھنٹوں کے دوران کراچی میں کورونا کی سب سے زیادہ مثبت شرح

اسلام آباد: ملک بھر میں گزشتہ 24گھنٹوں کے دوران کورونا کیسز کی سب سے زیادہ مثبت شرح کراچی میں ریکارڈ ہوئی۔
گزشتہ 24 گھنٹوں میں ملک میں کورونا وائرس کے مثبت آنے کی شرح سب سے زیادہ کراچی میں 20.12 فیصد ریکارڈ کی گئی۔
دوسرے نمبر پر حیدرآباد میں کورونا وائرس کے مثبت آنے کی شرح 8.43 فیصد ریکارڈ کی گئی جب کہ سب سے کم شرح گوجرانوالا میں 0.59 فیصد ریکارڈ کی گئی۔
واضح رہے کہ گزشتہ 24 گھنٹوں کے دوران ملک میں کورونا سے مزید 44 افراد انتقال کرگئے اور 3119 نئے مریض بھی سامنے آئے۔