بھارت کی ایک اور خوبصورت اداکارہ نے خود کشی کرلی

بھارت میں سال 2020 میں سشانت سنگھ راجپوت سمیت کئی فلمی ستاروں کے خود کشی کے کئی افسوسناک واقعات سامنے آئے ہیں تاہم اب ایک اورمشہور تامل اداکارہ چترا کمراج نے اپنے ہوٹل کے کمرے میں پھندا لگا کرخودکشی کرلی۔

بھارتی میڈیا رپورٹس کے مطابق تامل ٹی وی انڈسٹری کی مشہوراداکارہ چترا کمراج، جسے چتو وی جے کے نام سے بھی پکارا جاتا تھا، آج صبح اپنے ہوٹل کے کمرے میں مردہ حالت میں پائی گئیں، وہ شوٹنگ کے بعد ہی اپنے ہوٹل روم واپس پہنچی تھیں۔

بعد ازاں ان کی ٹیم نے جب ان سے رابطہ کرنے کی کوشش کی گئی تو اداکارہ کی جانب سے کوئی جواب نہیں ملا جس پرانہیں ہوٹل کا رخ کرنا پڑا، جہاں ان کی لاش پائی گئی۔ پولیس نے ان کی موت کا مقدمہ درج کرکے معاملے کی تفتیش شروع کردی ہیں۔جون میڈیا مینیجر نامی سوشل میڈیا اکائونٹ سے بھی اداکارہ چتارہ کی موت کی تصدیق کی گئی۔ شوبز سے وابستہ دیگرافراد نے بھی اداکارہ کی اچانک موت کو صدمہ قرار دیتے ہوئے دکھ کا اظہارکیا۔

خیال رہے چتارہ تامل ٹی وی انڈسٹری کی مشہوراداکارہ تھی جنہیں ’پانڈین اسٹورز‘ نامی شو سے مقبولیت حاصل ہوئی جس کی وجہ سے انہیں اس نام سے بھی پکارا جاتا تھا جب کہ وہ حال ہی میں ان کی ایک بزنس مین سے منگنی ہوئی تھی اور چند ماہ میں وہ شادی کرنے والی تھیں۔