ایڈیشنل ڈسٹرکٹ اینڈسیشن ساؤتھ کی عدالت نےاینکرمریدعباس قتل کی سی سی ٹی وی کی فرانزک رپورٹ طلب کرلی ۔

ایڈیشنل ڈسٹرکٹ اینڈ سیشن ساؤتھ کی عدالت نے اینکر مرید عباس قتل کیس میں مدعیہ کی درخواست پر پولیس اور سندھ حکومت سے وقوعہ کی سی سی ٹی وی کی فرانزک رپورٹ طلب کرلی۔

جیل میں قائم ایڈیشنل ڈسٹرکٹ اینڈ سیشن ساؤتھ کی عدالت میں اینکر مرید عباس قتل کیس کی سماعت ہوئی، پولیس کی جانب سے کیس کے مرکزی ملزم عاطف زمان کو عدالت میں پیش کیا گیا۔

مدعیہ مقدمہ نے عدالت میں درخواست دائر کی ہے کہ وقوعہ کی سی سی ٹی وی فوٹیج کی فرانزک رپورٹ کو بھی کیس کا حصہ بنایا جائے۔ درخواست میں کہا کہ مرید عباس کے قتل کے وقت سی سی ٹی وی فوٹیج پولیس کے پاس موجود ہے۔

عدالت نے مدعیہ کے درخواست پر پولیس اور سندھ حکومت سے وقوعہ کی سی سی ٹی وی کی فرانزک رپورٹ طلب کرلی۔کیس کے مفرور ملزم عادل زمان کو اشتہاری قرار دینے سے متعلق پیش رفت رپورٹ عدالت میں پیش کردی، رپورٹ میں بتایا کہ ملزم عادل زمان سے متعلق اخبارات میں اشتہارات شائع کردیے ہیں ملزم عادل زمان کی جائیداد سے متعلق تفصیلات تاحال بورڈ آف ریونیو سے موصول نہیں ہوئی جس پر عدالت نے 19 دسمبر کو ملزم عادل زمان کی جائیدادوں کی تفصیلات بھی طلب کرلیں ہیں۔