کراچی کے مختلف علاقوں میں رینجرز کا سرچ آپریشن

کراچی کے مختلف علاقوں میں رینجرز نے سرچ آپریشن کیا، آپریشن کے دوران مشتبہ افراد کو بائیومیٹرک ویری فکیشن کے ذریعے کرمنل ریکارڈ چیک کیا گیا۔
رینجرز اعلامیے کے مطابق سرچ آپریشن لیاقت آباد، بلدیہ ٹاؤن، اورنگی، کورنگی، لانڈھی، گلشن اقبال، گلستان جوہر، کلفٹن، بن قاسم، ملیر، گڈاپ میں کیا گیا۔
اس کے علاوہ گلبرگ، کیماڑی، لیاری، صدر اور دیگر علاقوں میں بھی رینجرز کی جانب سے سرچ آپریشن کیا گیا۔ آپریشن علاقے میں موجود جرائم پیشہ افراد کو پکڑنے کے لیے کیا گیا۔
آپریشن میں رینجرز، موٹرسائیکل اسکواڈ اور النساء فورس نے شرکت کی آپریشن کے دوران مشتبہ افراد کی بائیو میٹرک کے ذریعے کرمنل ریکارڈ کی چیکنگ کی گئی جبکہ داخلی و خارجی راستوں میں آنے جانے والے افراد اور گاڑیوں کی چیکنگ بھی کی گئی۔