اداکارہ میرا کا موبائل فون گم ہو گیا

اداکارہ میرا کا موبائل فون گم ہوگیا،ویڈیو بیان میں انہوں نے اپنا آئی فون تلاش کرنے والے کو5 لاکھ روپے انعام دینے کا اعلان کردیا۔

اداکارہ میرا نے ایک ویڈیو بیان جاری کیا ہے جس میں وہ بظاہرایک گاڑی میں بیٹھی ہوئی دکھائی دے رہی ہیں۔ اپنے بیان میں انہوں نے کہا کہ میں آپ لوگوں کو یہ بتانا چاہتی ہوں کہ میرا آئی فون گم ہوگیا ہے اورجو میرا موبائل تلاش کرنے میں میری مدد کرے گا میں اس کو 5 لاکھ روپے انعام دوں گی۔

حیران کن طور پر ویڈیو بیان جاری کرتے ہوئے اداکارہ میرا کسی بھی طرح پریشان دکھائی نہیں دیں بلکہ ویڈیو بیان جاری کرتے ہوئے ان کے چہرے پرایک مسکراہٹ دکھ رہی تھی جس سے یہ اندازہ لگایا جاسکتا ہے، شاید وہ مداحوں کے ساتھ کوئی مذاق کرنے کے موڈ میں ہیں۔

یادرہے کہ اپنی گلابی انگریزی اور متعدد سکینڈلز کے باعث مشہور ہونے والی اداکارہ میرا خبروں میں رہنا بخوبی جانتی ہیں اور میڈیا کی توجہ حاصل کرنے کے لیے خود تنازعات پیدا کرتی ہیں اورپھراس حوالے سے کوئی ویڈیو بیان جاری کرتی ہیں جو وائرل بھی ہوجاتا ہے۔