حکومت کو ایم کیو ایم کی صرف 6 سیٹوں کا سہارا ہے۔ مصطفیٰ کمال

مصطفیٰ کمال نے کہا ہے کہ کمزور حکومت کو ایم کیو ایم کی صرف 6 سیٹوں کا سہارا ہے، یہ استعفے دیں باہر آئیں تو حکومت ان کی بات مانے گی۔

پاک سرزمین پارٹی کے چیئرمین مصطفیٰ کمال کا میڈیا سے گفتگو کرتے ہوئے کہنا تھا کہ ایم کیو ایم میں بیٹھے لوگ سودا کرنیوالے ہیں، ان کا میئراربوں کی کرپشن کرکے آزاد گھوم رہا ہے، جب تک یہ نمائندے رہیں گے تمہارے بچوں کو فلاح نہیں مل سکتی، دھول جھونکنے کیلیے یہ اختلافی نوٹ ڈالتے ہیں، پاک سر زمین پارٹی شہرکولاوارث نہیں چھوڑے گی،ایم کیو ایم ایجنٹ ہے، تھی اور رہے گی۔

مصطفیٰ کمال نے کہا کہ آپ ہمیں پینے کا پانی، سیوریج کا نظام نہیں دے رہے، آپ ہمیں ٹرانسپورٹ، نوکریاں نہیں دے رہے، سب سے مہنگی بجلی اورگیس دے رہے ہیں،عمران خان کی وفاقی حکومت فیل ہوگئی، سندھ میں پیپلزپارٹی کی حکومت عمران خان چلا رہے ہیں۔