کراچی۔ گھر میں آگ لگ گئی۔ 3 بچے جاں بحق

کراچی کے علاقے کشمیر کالونی میں واقع گھر میں آگ لگنے سے جھلس کر 3 بچے جاں بحق ہو گئے جبکہ 4 افراد زخمی ہوئے ہیں۔

پولیس کے مطابق فائر بریگیڈ نے پہنچ کر گھر میں لگی ہوئی آگ پرقابو پا لیا ، آگ لگنے کے وقت گھر میں میاں بیوی اور ان کے5 بچے تھے۔آگ سے جھلس کر 3 بچے جاں بحق، جبکہ دو بچیاں اور والدین زخمی ہو گئے۔

جاں بحق ہونے والے بچوں کی لاشوں اور زخمیوں کوہسپتال منتقل کر دیا گیا  جہاں برنس وارڈ میں زخمیوں کو طبی امداد دی جا رہی ہے۔علاقہ پولیس کا کہنا ہے کہ گھر میں آگ لگنے کی وجوہات معلوم نہیں ہو سکی ،وجوہات جاننے کیلیے تحقیقات کی جا رہی ہیں۔