ضلع ملیرپولیس کی کاروائی منشیات فروش سگےبھائی گرفتار

کراچی (نمائندہ خصوصی )ضلع ملیر پولیس نے قائد آباد سے پولیس کو مطلوب منشیات فروش سگے بھائیوں سمیت تین ملزمان کوگرفتارکر لیا۔پولیس نے دوران گشت مظفرآباد کالونی کے قریب کارروائی کی۔گرفتار ملزمان کے نام پولیس کو انتہائی مطلوب منشیات فروشوں کی فہرست میں شامل تھے۔گرفتار ملزم سے تین کلو سے زائد فائن کوالٹی کی چرس برآمد کر لی گئی ہے ۔گرفتار ملزمان شہر کے مختلف علاقوں میں منشیات کی خرید و فروخت میں ملوث تھے۔گرفتار ملزمان پیشہ ور مجرم ہیں اور پہلے بھی گرفتار ہو کر جیل جا چکے ہیں۔گرفتار ملزمان کیخلاف مقدمہ درج کر کے مزید تفتیش کی جارہی ہے ۔گرفتار ملزمان کیخلاف شہر کے مختلف تھانوں میں درج مقدمات کی تفصیلات حاصل کی جا رہی ہیں۔گرفتار ملزمان میں شہاب علی ولد امجد علی شاہ، معاذ علی ولد امجد علی شاہ اور رائد علی عرف شیخ شامل ہیں۔