اپوزیشن نے پنجاب حکومت کے خلاف نئے معرکے کی تیاری کرلی

حمزہ شہباز اور بلاول بھٹو زرداری کی ملاقات کے موقع پر پاکستان پیپلز پارٹی کے سینیٹراورسابق وزیرِ اعظم یوسف رضا گیلانی بھی موجود تھے۔

پی ڈی ایم رہنماؤں نے اپوزیشن کے لانگ مارچ، پنجاب میں اِن ہاؤس تبدیلی اور یوسف رضا گیلانی کو چیئرمین سینیٹ لانے سمیت حکومت کے خلاف حکمتِ عملی پر تبادلۂ خیال کیا۔

حمزہ شہباز کے بلاول بھٹو زرداری کے اعزاز میں دیے گئے ظہرانے میں شرکت کرنے والے پیپلز پارٹی کے دیگر رہنماؤں میں قمر زمان کائرہ، چوہدری منظور اور حسن مرتضیٰ شامل تھے۔

مسلم لیگ نون کی جانب سے سابق اسپیکر قومی اسمبلی سردار ایاز صادق، خواجہ سعد رفیق، رانا ثناء اللّٰہ، عطاء اللّٰہ تارڑ اور اویس لغاری نے ظہرانے میں شرکت کی۔

حمزہ شہباز شریف کے بلاول بھٹو زرداری کے اعزاز میں دیے گئے ظہرانے میں مٹن بریانی، سجّی، بار بی کیو، دال گوشت، بھنڈی اوردیگر مزے مزے کے پکوان شامل تھے۔

واضع رہے بلاول بھٹو زرداری پہلے ہی پنجاب کو پہلا مورچہ بنانے کا عندیہ دے چکے ہیں۔