’اگر احمد فراز زندہ ہوتے تو شبلی فراز کو پی ٹی آئی میں شمولیت پر عاق کر دیتے‘

وزیر تعلیم سندھ سعید غنی نے سپریم کورٹ سے شبلی فراز کے بیان کا نوٹس لینے کی اپیل کر دی۔
میڈیا سے گفتگو کرتے ہوئے انہوں نے کہا کہ رولز کے تحت نہ چلنے کا بیان انتہائی خطرناک ہے۔
انہوں نے کہا کہ چیئرمین سینیٹ کیلئے حکومت کے نمبرز پورے نہیں، جیت کیلئے حکومت اپوزیشن کے ووٹ توڑے گی۔
ان کا کہنا تھا کہ اگر احمد فراز حیات ہوتے تو شبلی فراز کو پی ٹی آئی میں شمولیت پر ہی عاق کر دیتے۔
این سی او سی کے فیصلوں سے متعلق بات کرتے ہوئے انہوں نے کہا کہ جن شہروں میں کورونا کیسز کی شرح زیادہ ہے وہاں پر اسکولز بند ہوں گے۔
ان کا کہنا تھا کہ پنجاب کے 7 اضلاع کے علاوہ پورے پاکستان میں اسکول کھلے رہیں گے۔
انہوں نے مزید کہا کہ پورے ملک میں 50 فیصد طلبہ تعلیمی اداروں میں حاضری دیتے رہیں گے۔