شہر قائد میں آج اورکل شدید گرمی کی پیش گوئ
کراچی میں زیادہ سے زیادہ درجہ حرارت 38 سے 40 ڈگری تک جا سکتا ہے۔محکمہ موسمیات
شہر قائد میں 16 ستمبر تک موسم شدید گرم رہے گا۔فائل فوٹو
کراچی میں گزشتہ چند روز سے گرمی کا راج ہے۔ محکمہ موسمیات نے آج بھی شہر کا درجہ حرارت 40 ڈگری سے تک رہنے کی پیش گوئی کی ہے۔
محکمہ موسمیات نے آج اورکل شہر میں شدید گرمی کی پیش گوئی کردی۔ محکمہ موسمیات کے مطابق کراچی میں زیادہ سے زیادہ درجہ حرارت 38 سے 40 ڈگری تک جا سکتا ہے، شہر میں سمندری ہوائیں بند ہیں، گرمی میں اضافہ ہواؤں کی سمت تبدیل ہونے کے سبب ہوگا۔
محکمہ موسمیات کے مطابق صبح سے دوپہرکے درمیان شہر میں بلوچستان کی گرم ریگستانی ہوائیں چل سکتی ہیں، شام کے وقت سمندرکی جنوب مغربی سمت کی ہوائیں بحال ہونے کی توقع ہے، موجودہ صورتحال کے دوران شہر میں ہیٹ ویو کا کوئی امکان نہیں ۔