پاکستان مسلم لیگ(ن)کوحلقہNA-249سے سرخروکریں گے،یاسر عدیل شیخ

صوبائی صدرمسلم اسٹوڈنٹس فیڈریشن (ن) سندھ اورکراچی کے صوبائی اسمبلی کے حلقے PS-102 سے پاکستان مسلم لیگ(ن) کے امیدوار یاسر عدیل شیخ نے آج کراچی کے حلقے NA-249 کے ضمنی انتخاب میں پاکستان مسلم لیگ(ن) کے امیدوار مفتاح اسماعیل کی کامیابی کو یقینی قرار دیتے ہوئے کہا کہ اس حلقے کے عوام اپنے دو مرتبہ منتخب رکن قومی اسمبلی میاں اعجاز شفیع کی قائد نواز شریف کے ساتھ وفاداری، محبت اور مشرف آمریت کے ساتھ ٹکر اجانے کی سیاست کبھی نہیں بھول سکتے.
محترمہ مریم نواز شریف نے اعجاز شفیع جیسا ہی بہادر وفادار اور عوام دوست امیدوار نامزد کر کے پاکستان مسلم لیگ(ن) کے امیدوار مفتاح اسماعیل کی کامیابی یقینی بنا دی ہے.کراچی سے سانگھڑ تک سندھ کے عوام میاں محمد نواز شریف کے جانثار ساتھی میاں اعجاز شفیع کی پارلیمانی خدمات، پارٹی کے ساتھ وفاداری اور عوامی مفادات کے لئے وقت کے آمروں کے ساتھ ٹکراجانے کی سیاست کو آج تک نہیں بھولے.

ایک صنعت کار ہوتے ہوئے جس جرات اور بہادری سے اعجاز شفیع نے اس حلقے کے عوام کے حقوق کے لئے جدوجہد کی اسی جذبے سے ہمارے امیدوار مفتاح اسماعیل اس حلقے سمیت سندھ کے عوام کی خدمت کا سفر جاری رکھیں گے.

اس حوالے سے مسلم اسٹوڈنٹس فیڈریشن(ن) سندھ کے صدر یاسر عدیل شیخ کا کہنا تھا کہ میاں نواز شریف کے شیدائی اور میاں اعجاز شفیع مرحوم کے چاہنے والے آج پاکستان مسلم لیگ(ن) کو حلقہ NA-249 سے سرخرو کریں گے.

کراچی کے عوام کو ہڑتالوں، جلاؤ گھیراؤ اور قتل و غارت سے نجات دلانے والی پاکستان مسلم لیگ(ن) آج کی کامیابی کے بعد سندھ کے عوام کے دکھوں کا مداوا کرنے کے لئے نئے عزم کے ساتھ میدان میں نکلے گی.