پنجاب اورسندھ کےمختلف علاقوں میں اسٹریٹ کرائم کی متعدد وارداتوں میں ملوث ملزم گرفتار

ائیرپورٹ پولیس نے کارروائی کرتے ہوئے سندھ اور پنجاب کے مختلف علاقوں میں اسٹریٹ کرائم کی درجنوں وارداتوں میں ملوث ملزم کو گرفتار کرلیا ۔

ائیرپورٹ پولیس نے خفیہ اطلاع پر کارروائی کی۔گرفتار ملزم سے غیر قانونی اسلحہ  برآمد کرلیا گیا ہے ۔ملزم وحید مسیح نے دوران انٹیروگیشن پنجاب کے مختلف علاقوں میں سنگین جرائم کی وارداتوں کا بھی  اعتراف کیا ہے ۔

اس حوالے سے ائیر پورٹ پولیس کا کہنا تھا کہ گرفتار ملزم کے دیگر ساتھی تھانہ گلہ منڈی ڈسٹرکٹ ساہیوال میں گرفتار ہو کر جیل جا چکے ہیں۔گرفتار ملزم کیخلاف مقدمہ درج کر کے  تفتیش کی  جارہی ہے ۔جبکہ ملزم سے برآمد ہونے والا  اسلحہ فارنزک کیلئے روانہ کر دیا گیا۔