کورنگی کی 3 یوسیز میں اسمارٹ لاک ڈاؤن لگانے کا فیصلہ

کورونا وائرس کے بڑھتے ہوئے خطرات کے پیش نظر ڈسٹرکٹ کورنگی کے 3 سب ڈویژن کی 3 یوسیز میں اسمارٹ لاک ڈاؤن لگا دیا گیا ۔ڈپٹی کمشنر کورنگی عرفان سلام میروانی کی جانب سے کورنگی یوسی 7 لانڈہی یوسی 11 اور ماڈل کالونی یوسی 1 میں اسمارٹ لاک ڈاؤن لگانے کا فیصلہ کیا گیا ہے  ۔

اس حوالے سے ڈپٹی کمشنر کورنگی عرفان سلام میروانی کا کہنا تھا کہ اسمارٹ لاک ڈاؤن ڈسٹرکٹ ہیلتھ آفیسر کی رپورٹس کے مطابق لگایا گیا ہے ۔اسمارٹ لاک ڈاؤن کے دوران ایس او پی کا خاص خیال رکھنے کا فیصلہ کیا گیا ہے ۔

ڈی سی کورنگی کا کہنا ہے کہ متاثرہ علاقوں میں آنے اور جانے والوں کےلئے ماسک کا استعمال لازمی قراردیا گیا ہے جبکہ اسمارٹ لاک ڈاؤن 26 اپریل سے 10 مئی تک رہے گا ۔