باپ کی موت پر دلبرداشتہ بیٹی نے جلتی چتا پر چھلانگ لگادی

بھارت میں کورونا سے باپ کی موت پر دلبرداشتہ ایک بیٹی نے جلتی چتا پر چھلانگ لگا دی۔

بھارتی میڈیا کے مطابق پولیس کا بتانا ہے کہ یہ افسوسناک واقعہ راجستھان میں پیش آیا جہاں کورونا کے باعث ہلاک ہونے والے دمودرداس کی آخری رسومات ادا کی جا رہی تھیں کہ اس کی 34 سالہ بیٹی نے جلتی چتا پر چھلانگ لگا دی۔

پولیس کے مطابق وہاں موجود اہلکاروں نے لڑکی کو فوری طور پرآگ سے نکالا تاہم اس دوران وہ بری طرح جھلس چکی تھی۔ بھارتی میڈیا کے مطابق لڑکی کو فوری طور پر اسپتال منتقل کیا گیا جہاں ڈاکٹرز کا بتانا ہے کہ لڑکی کا 70 فیصد جسم جھلس چکا ہے۔