بھارتیوں کو کرونا نگلنے لگا۔ مزید تین ہزار 748افراد ہلاک

مہلک کورونا وائرس سے بھارت میں صوتحال انتہائی خراب ہے جہاں گزشتہ 24گھنٹوں میں مزید تین ہزار 748افراد جان کی بازی ہار چکے ہیں جبکہ تین لاکھ 66ہزار 499نئے کیسز رپورٹ ہوئے ہیں۔

بھارتی میڈیا کے مطابق کورونا کے باعث متاثرین کی مجموعی تعداد دو کروڑ 26لاکھ سے تجاوز کر چکی ہے جبکہ ہلاک ہونے والوں کی مجموعی تعداد دو لاکھ 46ہزار سے زائد ہو گئی ،بھارت میں صحت کا نظام بری طرح درہم برہم ہو چکا ہے ، ہسپتالوں میں گنجائش کے ساتھ آکسیجن کی کمی کا بھی سامنا کرنا پڑ رہا ہے ۔

بھارت کے کئی شہروں میں لاک ڈائون ہیں جبکہ ہسپتالوں میں کورونا کے مریض نہ لیے جانے پر مریض سڑکوں اور فٹ پاتھوں پر دم توڑ رہے ہیں ۔