جوؤں نے بچی کے جسم سے سارا خون چوس لیا

امریکی ریاست انڈیانا میں سر میں جمع سیکڑوں جوؤں نے ایک بچی کے جسم سے سارا خون پی کر اسے موت کے منہ میں پہنچا دیا۔

تفصیلات کے مطابق ریاست انڈیانا کے شہر اسکاٹسبرگ میں 26 سالہ خاتون شیان نکول سنگھ نے اپنی 4 سال کی بیٹی کو ایمرجنسی میں اسپتال میں داخل کرایا، ڈاکٹرز نے بچی کا معائنہ کیا تو حیران رہ گئے۔

بچی کے سر میں سیکڑوں جوئیں تھیں جنھوں نے بچی کے جسم سے خون چوس کراس کو موت کے منہ تک پہنچا دیا تھا، ڈاکٹرز کی رپورٹ پر پولیس نے فوری کارروائی کرتے ہوئے بچی کی ماں کو گرفتار کر لیا۔

ڈاکٹرز پہلے سمجھ ہی نہیں پائے کہ بچی کو کیا پریشانی ہے؟ اس کے بعد جب انھوں نے جانچ کی تو معلوم ہوا کہ بچی کے سر میں کافی زیادہ جوئیں ہیں اور ان جوؤں نے ہی بچی کے جسم میں موجود خون سے سارا آکسیجن چوس لیا تھا، اور خون میں آکسیجن نہ ہونے کے برابر تھا۔

اس معاملے کے سامنے آنے پر پولیس نے بچی کی ماں کو گرفتار کرلیا، شیان نکول سنگھ کو بچے کا دھیان نہ رکھنے کی وجہ سے گرفتار کیا گیا، شیان پر بچی کا دھیان نہ رکھنا اور درست خیال نہ رکھنے کی وجہ سے نقصان جیسی دفعات لگائی گئی ہیں، یہ چارجز ڈاکٹرز کے ذریعے دی گئی رپورٹ کی بنیاد پر لگائی گئیں۔

ڈاکٹرز نے بتایا کہ جب بچی کو ہسپتال لایا گیا تب اس کی حالت کافی خراب تھی، بچی کے جسم میں موجود خون میں ہیموگلوبین نہیں تھا، ہیموگلوبین خون میں موجود آکسیجن ہوتا ہے، جو جسم کے سارے اعضا میں خون کی سپلائی کرتا ہے۔