سمندری طوفان ’’یاس‘‘ شدید ترین طوفان میں تبدیل

یاس طوفان اب شدید ترین طوفان میں تبدیل ہو چکا ہے ، انتظامیہ کی جانب سے الرٹ جاری کر دیا گیا جبکہ طوفان سے بنگال اوراڑیسہ کی ریاست متاثر ہونے کی پیش گوئی کی گئی ہے ۔

بھارتی میڈیا رپورٹس کے مطابق نیشنل ڈیزاسٹر ریسپانس فورس ( این ڈی آر ایف ) کی 100 ٹیمیں ہر وقت تیار ہیں ، طوفان آنےو الے کل بھارتی کے مشرقی ساحل سے ٹکرانے کی پیش گوئی ہے ۔

ماہرین کے مطابق طوفان بالاسور کے ساحل تک تباہی مچا سکتا ہے، اس دوران ہواؤں کی رفتار 150 سے 160 کلو میٹر فی گھنٹہ تک چلنے کی امید ہے ، ہوائیں 180 کلو میٹر فی گھنٹہ تک بھی چل سکتی ہیں ۔

خلیج بنگال کے اس طوفان یاس کا نام عمان کی جانب سے رکھا گیا ہے جو فارسی کا لفظ ہے اور اس کے معنی جیسمین کے ہیں ۔