پی ایس ایل کے بقیہ میچز9 جون سے شروع ہونگے

پی ایس ایل سیزن سکس کے بقیہ میچزکے انعقاد سے متعلق بے یقینی کے بادل چھٹ گئے، میچز کب سے ہونگے،اعلان ہوگیا,شائقین کرکٹ کے چہرے خوشی سے کھل اٹھے۔

ذرائع کے مطابق پی ایس ایل کے بقیہ میچز9 جون سے ابو ظہبی میں شروع ہونگے جبکہ لیگ کا فائنل 24 جون کو کھیلا جائے گا۔میچزکا شیڈول تھوڑی دیر بعد جاری کیا جائے گاذرائع کا کہنا ہے کہ پی ایس ایل سکس کیلیے بھارتی کیمرہ کریو کو بھی اجازت مل گئی ہے۔

میڈیا رپورٹس کے مطابق پی ایس ایل کے میچز پاکستانی وقت کے مطابق رات 9بجے شروع ہوں گے،ڈبل ہیڈرزوالے دن میچ شام6بجے شروع ہو گا جبکہ دوسرا میچ پاکستان وقت کے مطابق رات11بجے شروع ہو گا۔

واضح رہے کہ بھارتی کریو کا دبئی میں دس روز کا قرنطینہ جاری ہےجس کےباعث ایونٹ کا شیڈول تاخیر کا شکار ہوا۔

اس سے قبل ذرائع پی سی بی کا کہنا تھا کہ بھارتی کریو کا سات روز قرنطینہ کی درخواست منظورہوگئی تو آٹھ جون تک ایونٹ شروع ہونے کا امکان ہے۔