افغان جنگ ختم کرنے کا فیصلہ درست ہے۔ صدر جو بائیڈن

امریکی صدر جو بائیڈن نے اعلان کیا ہے کہ افغانستان میں امریکا کا فوجی مشن 31 اگست کو ختم ہو جائے گا۔

ایک بیان میں جوبائیڈن نے کہا کہ امریکا کی جانب سے طویل جنگ ختم کرنے کا فیصلہ درست ہے، مشن تب ہی مکمل ہوگیا تھا جب اسامہ بن لادن کو انجام تک پہنچایا، امریکا کی ایک اورنسل کو افغان جنگ کے لیے نہیں بھیجا جائے گا۔

انہوں نے کہا کہ طالبان پر بھروسہ نہیں لیکن افغان حکومت کے تحفظ کے لیے افغان فوج پر بھروسہ  ہے، افغانستان میں سلامتی اورامن ایک متحد حکومت میں ہی آسکتا ہے تاہم اس بات کا امکان نہیں کہ افغانستان میں متحد حکومت کا قیام عمل میں آسکے۔

امریکی صدر کا کہنا تھا کہ افغان خواتین کے اپنے مستقبل سے متعلق خدشات درست ہیں جب کہ افغانستان سے ڈھائی ہزار افراد کو امریکا منتقل ہونے کے لیے خصوصی ویزے دیے گئے ہیں، افغان رہنماؤں کو مل کر ملک کے مستقبل کے لیے بڑھنا ہوگا۔