پاکستان ویمن ٹیم کو دوسرے میچ میں بھی شکست

ویسٹ انڈیز ویمن کرکٹ ٹیم نے پاکستان کو دوسرے میچ میں آٹھ وکٹوں سے شکست دیدی۔

ویسٹ انڈیز کی ٹیم نے 121 رنز کا آسان ہدف 32 ویں اوور میں دو وکٹوں کے نقصان پر پورا کرلیا۔ویسٹ انڈیز کی دونوں بلے باز رن آؤٹ ہوئیں۔ویسٹ انڈیز کی جانب سے ہیلے میتھیوز 49 رنز بناکر نمایاں بلے باز رہیں۔

پاکستانی ٹیم نے ٹاس جیت کر پہلے بیٹنگ کا فیصلہ کیا تھا جو کہ ٹیم کے لیے تباہ کن ثابت ہوا۔پاکستانی ٹیم کی چار بلے باز ڈبل فگرز میں داخل ہوسکیں۔مبینہ علی 37 رنز بناکر نمایاں رہیں۔ویسٹ انڈیز کی جانب سے انیسہ محمد نے چار کھلاڑیوں کو آؤٹ کیا۔