عید کے فوری بعد کابینہ میں قربانیوں کا امکان

وزیراعظم عمران خان نے کابینہ میں ایک مرتبہ پھر سے تبدیلی لانے کا فیصلہ کرلیاہے اوراس حوالے سے مشاورت جاری ہے ، مزید وزراکو بھی شامل کیے جانے کا امکان ہے ۔

تفصیلات کے مطابق وفاقی کابینہ میں یہ بڑی تبدیلیاں عید کے فوری بعد ہونے کا امکان ہے ، ق لیگ ، ایم کیوایم اور دیگر اتحادیوں کو وزارتیں دی جا سکتی ہیں ،ق لیگ کی جانب سے مونس الہی وزارت کیلیے مضبوط امیدوار ہیں ، وزیراعظم عمران خان نے شروع دن سے ہی کہا تھا کہ ق لیگ کودو وزارتیں دی جائیں گی ،مونس الہٰی سے کچھ عرصہ قبل ملاقات بھی ہوئی تھی ۔

اہم بات یہ ہے کہ زلفی بخاری اپنے پرانے عہدے پر ہی واپس آ رہے ہیں اورکابینہ کا حصہ بنیں گے جبکہ فیصل واوڈا کی دوبارہ کابینہ میں شمولیت کا تاحال کوئی فیصلہ نہیں ہو سکا ، باپ پارٹی کو بھی ایک وزارت دیے جانے کا امکان ہے۔ وزیراعظم عمران خان موجودہ وزرامیں سے بھی کچھ کو گھر بھیج سکتے ہیں ۔ عمران خان نے اس حوالے سے مشاورت بھی شروع کر دی ہے ۔