چینی کمپنی نے داسو ڈیم پر کام بند کر دیا،تمام پاکستانی ملازمین فارغ

چند روز قبل اپرکوہستان میں داسو ڈیم بنانے والی کمپنی کی بس کو حادثہ پیش آیا تھا جس میں 9 چینی شہریوں سمیت 13 افراد جاں بحق ہوئے ، چینی شہری داسو ڈیم پر کام کر رہے تھے تاہم اب اس معاملے پر’ چائنا گیزوبا گروپ ‘ کمپنی نے ڈیم پر کام روک دیاہے ۔

تفصیلات کے مطابق چینی کمپنی کی جانب سے تمام پاکستانی ملازمین کو فارغ کر دیا گیاہے ، کمپنی کی جانب سے لکھے گئے خط میں کہا گیاہے کہ 14 جولائی کے واقعے کے باعث کام جاری نہیں رکھ سکتے ، تمام ملازمین کو گریجویٹی اور تنخواہ ادا کی جائے گی۔

داسو ڈیم کے پراجیکٹ ڈائریکٹر انوارالحق کی جانب سے خط کی تصدیق کر دی گئی ہے ۔ یاد رہے کہ کوہستان میں چینی بس حادثے میں 13 چینی شہری جاں بحق ہوئے تھے ۔