اورنگی ٹاؤن میں کچراکنڈی میں لگی آگ سے2بچےجھلس کرجاں بحق

کراچی کے علاقے اورنگی ٹاؤن میں کچرا کنڈی میں آگ لگنے کے باعث دو بچے جھلس کر جاں بحق ہوگئے۔ ریسکیو ذرائع کے مطابق واقعہ نیو میانوالی کالونی میں پیش آیا.

کچرا کنڈی میں  نامعلوم افراد کی جانب سے لگائی جانے والی آگ سے جھلس کر 2 کمسن بچے جاں بحق ہوگئےہیں۔

اس حوالے سے ریسکیو ذرائع کا کہنا ہےکہ جاں بحق بچوں کی شناخت 4 سالہ عمر اور 5سالہ محمد شاہ کے نام سے ہوئی ہے ۔ واقعے کے بعد بچوں کی لاشیں اسپتال منتقل کردی گئیں ہیں۔

اس حوالے سے پولیس نے واقعے کی تحقیقات کا آغاز کردیا ہے۔پولیس کی جانب سے عینی شاہدین اور وقوعہ پر موجود افراد کے بیانات لئے جارہے ہیں۔