طالبان کسی بھی وقت کابل پر قابض ہو سکتے ہیں۔امریکا نے خبردار کر دیا

امریکہ نے کہا ہے کہ کابل اب زیادہ دیرتک طالبان سے بچا نہیں رہ سکتا، ایک سے تین ماہ کے دوران افغان دارالحکومت طالبان کے کنٹرول میں جاسکتا ہے۔

اس حوالے سے امریکی انٹیلی جنس نے کہا ہے کہ طالبان 30 دنوں میں افغانستان کے دارالحکومت کابل کا رابطہ ملک کے باقی حصوں سے منقطع کر سکتے ہیں اور90 روز کے اندراس پر قبضہ بھی کرسکتے ہیں۔
خبر رساں ادارے کے مطابق اب تک طالبان نے افغانستان کے نو صوبائی دارالحکومتوں پر باقاعدہ کنٹرول حاصل کر لیا ہے۔

تاہم انہوں نے بتایا کہ یہ حتمی نتیجہ نہیں ہے۔ افغانستان کی سیکیورٹی فورسز زیادہ مزاحمت دکھا کر طالبان کو پیچھے دھکیل سکتی ہے۔