ملک بھر میں کرونا سے مزید 100 افراد جاں بحق

اسلام آباد:ملک بھر میں عالمی وبا کورونا وائرس سے مزید 100 افراد جاں بحق ہو گئے اور 4553 نئے کیسز بھی رپورٹ ہوئے۔

پاکستان میں ظاہر کیے گئے کورونا کے اعداد و شمارکے مطابق گزشتہ 24 گھنٹوں کے دوران ملک بھر میں کورونا کے 61 ہزار 446 ٹیسٹ کیے گئے جن میں سے 4553 افراد میں کورونا وائرس کی تصدیق ہوئی جبکہ وائرس سے 100 افراد انتقال کرگئے۔

سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 7.4 فیصد رہی اور ہلاکتوں کی تعداد 25 ہزار 320 ہو گئی جبکہ مجموعی کیسز 11 لاکھ 40 ہزار 411 تک جاپہنچے ۔

اس کے علاوہ 24 گھنٹوں کے دوران ملک بھر میں 3413 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 10 لاکھ 22 ہزار 847 ہو گئی ہے جب کہ فعال کیسز کی تعداد 92244 ہے۔