نیوزی لینڈ کرکٹ بورڈ نے دورہ پاکستان کی منظوری دیدی

نیوزی لینڈ کرکٹ بورڈ نے دورہ پاکستان کے لیے ٹیم بھیجنے کی منظوری دیدی۔

کیوی میڈیا کی رپورٹس کے مطابق نیوزی لینڈ کرکٹ نے اپنے سیکیورٹی ماہر کی رپورٹ پر اطمینان کا اظہار کیا ہے اورکپتان ٹام لیتھم نے ڈھاکا سے بیان میں کہا کہ انہیں رگ ڈیکاسن کی رپورٹ پر یقین ہے۔

کیوی کپتان کا کہنا تھا کہ رگ ڈیکاسن نیوزی لینڈ کے لیے طویل عرصے سے کام کر رہے ہیں، ان کی پیش کردہ رپورٹ پر اطمینان ہے۔

کیوی میڈیا کے مطابق بورڈ نے نیوزی لینڈ کی ٹیم کے کپتان ٹام لیتھم کو بھی دورہ پاکستان کے فیصلے سے آگاہ کر دیا ہے۔

خیال رہے کہ نیوزی لینڈ کی کرکٹ ٹیم نے 11 ستمبر کو پاکستان پہنچے گی، دونوں ٹیموں کے درمیان 5 ون ڈے اور3 ٹی ٹوئنٹی میچز پر سیریز کھیلی جائیں گی۔