ملک بھر میں کورونا سے مزید 57افراد جاں بحق

اسلام آباد:ملک بھر میں کورونا وائرس کے سبب گزشتہ 24گھنٹوں کے دوران مزید 57افراد جاں بحق ہوگئے جس کے بعد اموات کی مجموعی تعداد26 ہزار35 ہوگئی ہے۔

گزشتہ 24 گھنٹوں کے دوران ملک میں کورونا کی تشخیص کے لیے 59 ہزار 745 ٹیسٹ کیے گئے جن میں سے 3787 افراد میں کورونا وائرس کی تصدیق ہوئی جبکہ مثبت کیسزکی شرح6.33فیصد ریکارڈ ہوئی ۔

نیشنل کمانڈ اینڈ آپریشن سینٹر(این سی اوسی) کے مطابق گذشتہ 24 گھنٹوں کے دوران 59 ہزار 745 نئے ٹیسٹ کیے گئے، پنجاب میں تین لاکھ 97 ہزار 694، سندھ میں چار لاکھ 35 ہزار 159، خیبر پختونخوا میں ایک لاکھ 63 ہزار 677، بلوچستان میں 32 ہزار 329، گلگت بلتستان میں نو ہزار 993، اسلام آباد میں ایک لاکھ 242 جبکہ آزاد کشمیر میں 32 ہزار 329 کیسز رپورٹ ہوئے ہیں جس کے بعد ملک میں کورونا کے تصدیق شدہ کیسز کی تعداد 11 لاکھ 71 ہزار 578 ہوگئی ہے۔

این سی او سی کے مطابق کورونا کے سبب سب سے زیادہ اموات پنجاب میں ہوئی ہیں جہاں 11 ہزار 979 افراد جان کی بازی ہار چکے ہیں جبکہ سندھ میں چھ ہزار 932، خیبرپختونخوا میں پانچ ہزار 41، اسلام آباد 868، گلگت بلتستان 174، بلوچستان میں 339 اور آزاد کشمیر میں 702 افراد جان کی بازی ہار چکے ہیں۔