فتح اللہ گولن سے تعلقات کے الزام میں میں مزید 214 فوجی گرفتار

انقرہ:ترکی میں گرفتاریوں کی نئی لہر میں مزید 214 فوجی زیر حراست لے لیے گئے ،  ان تمام فوجیوں کو امریکہ میں مقیم عالم دین فتح اللہ گولن سے تعلق رکھنےپر گرفتار کیا گیا ہے ۔

العربیہ ویب سائٹ کے مطابق گزشتہ روز ترک حکام نے ملک کے 41 صوبوں سے 214 فوجیوں کو گرفتار کیا  جبکہ 145 دیگر کو بغاوت کی کوشش کے بعد بر طرف کیا ۔گرفتار ہونے والوں میں ایک کرنل ، ایک لیفٹیننٹ کرنل ، 7 کپتان، 7 لیفٹیننٹ ، 41 نان کمیشنڈ افسران بھی شامل ہیں ۔

واضح رہے کہ 15 جولائی 2016 کو ترکی میں ناکام بغاوت کی گئی تھی جس کے بعد ترک حکام نے 19 نومبر 2019 سے از میر پبلک پراسیکیوٹر آفس کی تحقیقات کے دوران دو ہزار 996 فوجیوں کو گرفتار کیا تھا۔