طالبان حکومت کے قیام کے بعد پی آئی اے کی پہلی پرواز کابل پہنچ گئی

افغانستان میں نئی حکومت کے قیام کے بعد پی آئی اے کی پہلی ’پہلی بین الاقوامی کمرشل پرواز‘ کابل پہنچ گئی ۔

پی آئی اے کی پرواز پی کے 6249 اسلام آباد سے آج صبح کابل روانہ ہوئی اور مقامی وقت کے مطابق 9:45 پر پہنچی،کابل ایئرپورٹ پرخدمات کی بحالی کیلیےافغان سول ایوی ایشن کی جانب سے خصوصی انتظامات کیے گئے ہیں۔

 پرواز میں پی آئی اے کا عملہ بین القوامی صحافیوں کو کابل لے کرگیا اورعالمی بنک اور بین الاقوامی خبر رساں اداروں کی ٹیم کو واپس لے کرآیا۔

پی آئی اے ترجمان کے مطابق افغانستان کی سول ایوی ایشن اتھارٹی نے پی آئی اے کو لینڈنگ کا اجازت نامہ جاری کیا تھا اور قومی ایئرلائن کی جانب سے بھی فلائٹ آپریشن کے لیے تیاریاں مکمل کرنےکے بعد فلائٹ کو روانہ کیا گیا تھا۔

سی ای او پی آئی اے مارشل ارشد ملک کے مطابق کابل میں نئی حکومت کے قیام کے بعد یہ پہلی بین الاقوامی مسافر پرواز تھی۔ پرواز کا مقصد پاکستان اور افغانستان کے مابین خیر سگالی کو فروغ دینا اور انسانی ہمدردی کی بنیادوں پر آپریشن کو مضبوط کرنا ہے۔

ارشد ملک کا کہنا ہے کہ پی آئی اے اور پوری دنیا کے لیے یہ آپریشن بہت اہم ہے ’سب ہماری طرف دیکھ رہے ہیں کہ رابطے بحال کیے جائیں اور امید ہے جلد ہم مکمل طور پر آپریشن بحال کرنے میں کامیاب ہو جائیں گے۔‘

پی آئی اے کے مطابق کابل ائیرپورٹ پر سروسز کے لیے افغان سول ایویشن اور مقامی پی آئی اے کے عملے نے خصوصی انتظامات سنبھال رکھے تھے اور اس سلسلے میں افغانستان میں پاکستان کے سفیر منصور احمد خان اور دیگر سفارتی عملے کی مدد بھی شامل رہی۔

خبرگزاری فرانسه گزارش کرده است که اولین پرواز تجارتی خارجی پس از تسلط طالبان بر افغانستان، امروز در میدان هوایی کابل نشست کرده است. بر اساس گزارش این خبرگزاری، یک فروند هواپیمای شرکت هوانوردی بین المللی پاکستان به کابل آمده است.#طلوع‌نیوز pic.twitter.com/ls8kPeLaBS

— TOLOnews (@TOLOnews) September 13, 2021

اسلام آباد سے فلائٹ پر سوار خبر رساں ایجنسی کے ایک صحافی کا کہنا ہے کہ ہوائی جہاز میں تقریباً 10 افراد تھے۔۔۔ مسافروں سے زیادہ عملہ موجود تھا۔