امریکی گلوکارہ برٹنی اسپیئرز ایرانی بوائے فرینڈ سے منگنی کرلی

امریکی گلوکارہ برٹنی اسپیئرز نے ایرانی نژاد اداکار سیم اصغری سے منگنی کرلی ۔برٹنی اسپیئرز نے اپنی منگنی کا اعلان سوشل میڈیا پر جاری ایک ویڈیو میں کیا۔

فوٹو شیئرنگ پلیٹ فارم انسٹا گرام پر گلوکارہ برٹنی اسپیئرز نے اپنی منگنی کی خبر مداحوں کوخود سنائی۔ سوشل میڈیا صارفین سے شیئر کی گئی ویڈیو میں برٹنی سیم اصغری کے ہمراہ نظر آئیں۔

انہوں نے سیم اصغری کے ساتھ بنائی گئی ویڈیو سوشل میڈیا سائٹ انسٹاگرام پر شیئر کی ، جس میں انہوں نے منگنی کی انگوٹھی دکھائی اور ساتھ ہی مداحوں کو اپنی منگنی کی خوشخبری سنائی۔انہوں نے لکھا کہ وہ سیم اصغری سے شادی کا ارادہ رکھتی ہیں ۔ برٹنی اسپیئرز اور سیم اصغری کی دوستی تقریبا پانچ برس سے ہے۔

ویڈیو میں گلوکارہ برٹنی اسپیئرز نے سیم اصغری کی طرف سے پہنائی گئی منگنی کی انگوٹھی دکھائی اور دیرینہ دوست سے جلد شادی کا اعلان کرتے ہوئے کہا کہ مجھے خود بھی اس پر یقین نہیں آرہا۔

گزشتہ 5 سال سے برٹنی اسپیئرز اور سیم اصغری دوست رہے ہیں جن کی ملاقات 2016 میں میوزک ویڈیو کی شوٹنگ کے دوران ہوئی۔ قبل ازیں برٹنی اسپیئرز 2 بار شادی کرچکی ہیں۔

برٹنی اسپیئرز کے سابقہ شوہر ریپر کیون فیڈرلائن سے 2 بچے پیدا ہوئے۔ انہوں نے بچپن کے دوست جیسن الیگزینڈر سے شادی صرف 55 گھنٹوں تک ہی برداشت کی اور پھر دونوں الگ ہوگئے۔

خیال رہے کہ اِس سے قبل پاپ گلوکارہ برٹنی اسپیئرز کے والد نے کنزرویٹر شپ چھوڑنے پر اتفاق کر لیا، جس سے ان کی آزادی کی راہیں ہموار ہوگئیں۔