جنازے پر فائرنگ۔ 8 افراد جاں بحق۔16 زخمی

لوئر دیر:نواحی علاقے طور منگ درہ میں جنازے پر فائرنگ کے نتیجے میں آٹھ افراد جاں بحق اور16 زخمی ہوگئے۔

پولیس کے مطابق نمازِ جنازہ کے دوران دو فریقوں میں زمین کے تنازعہ پر فائرنگ ہوئی جس کے نتیجے میں آٹھ افراد جان سے ہاتھ دھو بیٹھے۔ واقعے میں 16 افراد زخمی بھی ہوئے ہیں جنہیں ڈسٹرکٹ ہیڈ کوارٹرز ہسپتال تیمر گرہ منتقل کردیا گیا ہے۔ پولیس نے علاقے کو گھیرے میں لے کر سرچ آپریشن شروع کردیا۔

نجی ٹی وی کے مطابق جاں بحق افراد میں مسلم لیگ ن کے رہنما  ملک جہانزیب کا بیٹا بھی شامل ہے۔ نجی ٹی وی کے مطابق متحارب گروپوں میں فائرنگ کا تبادلہ تاحال جاری ہے۔