کینیڈا میں پاکستانی فیملی کے گھر پرحملہ

ہملٹن:کینیڈا میں پاکستانی فیملی کے گھر پر حملہ کیا گیا جس کے نتیجے میں پاکستانی نوجوان قتل جبکہ اس کا بھائی شدید زخمی ہوگیا۔

کینیڈین پولیس کے مطابق رات تین بجے فائرنگ کی اطلاع ملی جس کے بعد پولیس جائے وقوعہ پر پہنچی جہاں دو افرادشدید زخمی حالت میں پائے گئے،دونوں زخمی بھائیوں کو شدید زخمی حالت میں ہسپتال منتقل کیا گیا مگرایک بھائی دوران علاج زخموں کی تاب نہ لاتے ہوئے دم توڑ گیا۔

پولیس کے مطابق مقتول کے والد فقیرعلی کو بھی اغواکیا گیا جسے چھ گھنٹے کے بعد چھوڑ دیا گیا۔ تاحال حملے کی وجوہات سامنے نہیں آسکیں ۔