بھارتی گجرات میں دو ارب 70 کروڑ امریکی ڈالرکی ہیروئن برآمد

ڈائریکٹوریٹ آف ریونیو انٹیلیجنس (ڈی آرآئی) نے کہا کہ اسے خفیہ اطلاع ملی تھی کہ ایران کے بندر عباس پورٹ سے ایک کھیپ نکل رہی ہے جس میں مشتبہ طور پر منشیات ہے۔

ڈی آر آئی نے کہا کہ انٹیلیجنس نے یہ بھی انکشاف کیا کہ یہ کھیپ جنوبی ہند کے شہر وجے واڑا کی ایک کمپنی درآمد کر رہی ہے۔

ریونیو انٹیلی جنسی نے ایک بیان میں کہا ہے کہ ’جب ہمارے افسران نے کنسائنمنٹ کو حراست میں لیا اور اس کی جانچ کی تو کنٹینرز سے مشتبہ نشہ آور ادویات برآمد ہوئیں اور ہیروئن کی موجودگی کی تصدیق ہوئی۔

ایجنسی نے کہا کہ اب تک کی گئی تحقیقات میں افغان شہریوں کے ملوث ہونے کا بھی انکشاف ہوا ہے، جن سے تفتیش جاری ہے۔