سیاسی رہنماؤں کی مسلم لیگ نون میں شمولیت کیلیے لائن لگ گئی

ملتان: جنوبی پنجاب کے مختلف سیاسی رہنماؤں کی مسلم لیگ نون میں شمولیت کیلیے لائن لگ گئی۔

مسلم لیگ ن کے نائب صدر اور قائد حزب اختلاف پنجاب اسمبلی حمزہ شہباز کے جنوبی پنجاب کے دورے کے دوران مختلف سیاسی رہنماؤں نے مسلم لیگ ن میں شمولیت کا اعلان کردیا۔

حمزہ شہباز نے دورہ جنوبی پنجاب کے دوران پیپلزپارٹی کی بڑی وکٹ اڑا دی ، پی پی کے ٹکٹ پر تین بار ایم پی اے منتخب ہونے والےاسحاق بچا ساتھیوں سمیت مسلم لیگ ن میں شامل ہو گئے ۔

نجی ٹی وی کے مطابق اسحاق بچا 1988، 1993اور 2002کے انتخابات میں پاکستان پیپلزپارٹی کے ایم پی اے منتخب ہوئے ، اسحاق بچا پیپلزپارٹی کے دیرینہ کارکنوں میں شمارہوتے تھے ۔

خانیوال سے سال 2008میں ایم پی اے رہنے والے جمیل شاہ ، مظفر گڑھ سے پاکستان پیپلزپارٹی کے سابق ٹکٹ ہولڈر اختر گوپانگ اور ملتان سے بریگیڈیئر (ر) قیصر نے بھی مسلم لیگ ن کی قیادت پر اعتماد کا اظہار کرتے ہوئے ساتھیوں سمیت شمولیت اختیار کرلی ۔

سابق ڈپٹی سپیکر سردار شیرعلی گورچانی نے بھی مسلم لیگ ن کی قیادت پراعتماد کا اظہارکیا اور ساتھیوں کے ساتھ ن لیگ کے قافلے میں شمال ہو گئے ۔