ملک کو نقصان پہنچانے والوں سے کوئی بات نہیں ہو گی ۔شیخ رشید

اسلام آباد: وفاقی وزیر داخلہ شیخ رشید نے واضح الفاظ میں کہہ دیا کہ ملک کو نقصان پہنچانے والوں سے کوئی بات نہیں ہو گی ۔

اسلام آباد میں پریس کانفرنس کے دوران ایک سوال کے جواب میں وزیر داخلہ نے کہا کہ دہشتگردی کو ختم کرنے کا فیصلہ وزیر اعظم کا ہے ، وزیر اعظم واضح کہہ چکے ہیں کہ ہتھیار پھینک کر ملک کے آئین و قانون کو تسلیم کرنے والوں سے ہی بات چیت ہو سکتی ہے ، کل بھی فوج کے چار جوان شہید ہوئے ، جنہوں نے ملک کو نقصان پہنچایا ہے ان سے بات نہیں ہو گی ۔15اگست سے اب تک 20 ہزارافغانی پاکستان آچکے ہیں ۔

ایک سوال کے جواب میں وزیر داخلہ نے کہا کہ پنڈورا پیپرز ٹائیں ٹائیں فش ہو گیا، عمران خان کے بیان کے بعد سب کو چپ لگ گئی ہے ، وزیر اعظم نے کہا کہ پنڈورا لیکس میں سامنے آنے والے سات سو افراد کی تفتیش کی جائے گی ۔وفاقی پولیس میں 1000اہلکاروں کا اضافہ کر رہے ہیں ، آج راولپنڈی کی سیٹلائٹ ٹاو¿ن میں ایک اور کالج دیا ہے جس کے بعد میری زندگی میں تعلیم سے متعلق بنائے 60 منصوبے مکمل ہو چکے ہیں ۔

کورونا کے جعلی ویکسین سرٹیفکیٹ سے متعلق وزیر داخلہ نے کہا کہ جعلی ویکسین سرٹیفکیٹ میں ملوث افراد کے خلاف کارروائی کی جا رہی ہے ، ایف آئی اے ڈالر ذخیرہ کرنے والوں کے خلاف کریک ڈان کی ہدا یت کی ہے ، ایف آئی اے نے کچھ افراد کو گرفتار کیا ہے ۔ شناختی کارڈ کے معاملے میں دس سال کا گند صاف کر دیں گے ۔