قندوز میں جمعے کی نمازکے دوران مسجد میں دھماکہ۔50افراد جاں بحق

کابل: افغانستان کے صوبہ قندوز میں جمعے کی نمازکے دوران مسجد میں دھماکہ ہوا جس میں 50 افرادجاں بحق اور متعدد زخمی ہو گئے۔

افغان میڈیا کے مطابق دھماکہ ضلع سیدآباد کے علاقے خان آبادمیں قائم مسجد میں جمعہ کی نماز کے دوران ہوا ،دھماکے میں50افراد جاں بحق اور70سے زائد زخمی ہونے کا خدشہ ہے۔

ریسکیو ادارے کی ایمبولینس اور اپنی مدد آپ کے تحت زخمیوں کو اسپتال منتقل کیا گیا ہے جب کہ طالبان اہلکاروں نے علاقے کا محاصرہ کرلیا اور سرچ آپریشن جاری ہے۔

عینی شاہد کا کہنا ہے کہ دھماکے میں 50 سے زیادہ افراد جاں بحق اور زخمی ہوئے ہیں۔افغان وزارت داخلہ نے بھی قندوز کی مسجد میں دھماکے کی تصدیق کردی ہے۔