’ارطغرل غازی‘ کی معروف اداکارہ نے شادی کرلی

لاہور:پی ٹی وی پر چلنے والی شہرہ آفاق ترک ڈرامہ سیریز ‘ارطغرل غازی’ میں اداکارہ ‘گونچا گل یا آئیکس’ کا کردار ادا کرنیوالی زینب کزلتان نے شادی کرلی ۔

سماجی رابطے کی ویب سائٹ انسٹاگرام کی اسٹوری میں ترک اداکارہ زینب کے حوالے سے ایک سکرین شاٹ شیئر کیا گیا جس میں دیکھا جاسکتا ہے کہ ایک تصویرکے ساتھ  ہنی مون لکھا گیا ہے جس سے ظاہر ہوتا ہے کہ اداکارہ رشتہ ازدواج میں منسلک ہوگئی ہیں۔

https://www.instagram.com/p/Bhv0ZdoDgBk/?utm_source=ig_embed&ig_rid=244659ba-53fc-43d9-945e-b116d0e6dbb8

واضح رہے کہ زینب نے ترکی کے تاریخی ڈرامہ سیریز  ارطغرل غازی  میں ارطغرل کے ساتھی ترگت کی اہلیہ کا کردار ادا کیا تھا اور وہ اپنے اس کردار کی وجہ سے شہرت کی بلندیوں پر پہنچ گئی تھیں۔اداکارہ کی جانب سے اپنے انسٹاگرام پر شیئر کی گئیں دیگر پوسٹ کو دیکھا جائے تو اندازہ ہوتا ہے کہ انہوں نے کین سکیلڈیز سے شادی کی ہے جو کہ پیشے کے لحاظ سے ایک فنکار ہیں۔