ٹی 20 ورلڈ کپ۔ سری لنکا نے اگلے مرحلے کیلیے کوالیفائی کرلیا

ابو ظہبی:آئی سی سی ٹی 20 ورلڈ کپ کے ساتویں میچ میں سری لنکا نے آئر لینڈ کو 70 رنز سے شکست دےکر اگلے مرحلے کیلیے کوالیفائی کرلیا۔

آئرلینڈ کے کپتان اینڈی بالبرنی نے ٹاس جیت کر سری لنکا کو پہلے بیٹنگ کی دعوت دے دی۔سری لنکانے مقررہ 20 اوورز میں 7 وکٹوں کے نقصان پر71 رنزاسکورکیے۔سری لنکا کی جانب سے ہاسا رنگا ڈی سلوا نے 71 رنز کی شاندار اننگزکھیلی جبکہ  پاتھوم نیسنکا 61 رنز بناکر نمایاں رہے۔

آئرلینڈ کی جانب سے جوش لٹل نے 4 کھلاڑیوں کوآؤٹ کیا جبکہ مارک آڈیرنے 2 وکٹیں حاصل کیں۔ آئرلینڈ کی پوری ٹیم 19 اوور میں 101 رنزبنا کرآؤٹ ہوگئی اور یوں سری لنکا نے میچ 70 رنز سے اپنے نام کرلیا اور ٹی ٹوئنٹی ورلڈ کپ کے اگلے مرحلے سپر 12 کیلیے کوالیفائی کرلیا۔