کراچی:پیٹرول پمپ پرکھڑےٹینکرمیں لگنے والی آگ پرقابو پالیاگیا

کراچی:بریگیڈ تھانے کی حدود میں واقع پارکنگ پلازہ کے سامنے پیٹرول پمپ پر کھڑے ٹینکر میں لگنے والی آگ پر قابو پالیا گیا ہے۔پارکنگ پلازہ کے سامنے پیٹرول پمپ پر کھڑے ٹینکر میں لگنے والی آگ سڑک تک پھیل گئی تھی۔

اس حوالے سے فائربریگیڈ حکام کا کہنا تھا کہ آگ کو بجھانے کے لیے ایمپریس مارکیٹ سے پارکنگ پلازہ اور مزار قائد جانے والی سڑک کو ٹریفک کے لیے بند کیا گیا۔11 فائر ٹینڈر کی مدد سے آگ پر قابو پایا گیا۔آگ بجھانے کے لیے اسنار کل کی مدد بھی لی گئی اور آگ کو پانی، فوم اور مختلف کیمیکلز کی مدد سے بجھایا گیا۔

حکام کے مطابق آئل ٹینکر سے پیٹرول پمپ کے زیر زمین ٹینک میں پیٹرول کی منتقلی کے دوران اسپارکنگ ہوئی۔ابتدائی حکمت عملی پیٹرول پمپ کے زیر زمین ٹینک تک آگ کو پھیلنے سے روکنے کی تھی۔آتشزدگی کے باعث کوئی جانی نقصان یا کوئی زخمی نہیں ہوا۔