کراچی:چاکیواڑہ پولیس کی کاروائی،شراب کی اسمگلنگ میں ملوث ملزم گرفتار

چاکیواڑہ پولیس نےکاروائی کرتے ہوئے شراب کی اسمگلنگ میں ملوث  ملزم کو گرفتار کر کے ملزم کے قبضہ سے مختلف اقسام کی شراب کی بوتلیں برآمد کرلی ہے۔

اس حوالے سے ایس ایس پی سٹی کا کہنا تھا کہ شراب کی اسمگلنگ میں ملوث  ملزم کوتھانہ چاکیواڑہ کی حدود سے گرفتار کیا گیا ہے.ملزم کا نام نعیم ولد یونس ہے.ملزم کے قبضہ سے 25 سے ذائد بوتلیں مختلف اقسام کی شراب کی برآمد کی گئی ہیں.

ملزم کواسنیپ چیکنگ کے دوران گرفتار کیا گیا ہے۔ملزم شہر بھر کے مختلف علاقوں میں شراب اسمگلنگ و سپلائی کا کام کیا کرتاہے۔ملزم کے خلاف ایف آئی آر نمبر 544/2021 بجرم دفعہ 3/4 درج کر کے تفتیش شروع کردی گئی ہے.

ملزم سے دیگر ساتھیوں کے متعلق پوچھ گچھ کی جارہی ہے ۔ملزم کا سابقہ کریمنل ریکارڈ معلوم کیا جا رہا ہے.