بھارت نے نیوزی لینڈ کو دوسرے ٹیسٹ میچ میں شکست دیدی

ممبئی:بھارت نے نیوزی لینڈ کو دوسرے ٹیسٹ میچ میں 372 رنز سےشکست دے کر دو میچوں کی سیریز جیت لی۔

ممبئی میں کھیلے گئے دوسرے ٹیسٹ میں بھارت کی جانب سے دیے گئے 540 رنز کے ہدف کے تعاقب میں مہمان ٹیم 167 رنز ہی بناسکی۔

نیوزی لینڈ کی طرف سے ڈیرل مچل 60 اور ہینری نکلز 44 رنز بناکر نمایاں رہے، بھارت کے جایانت یادیو اور ایشون نے چار چار وکٹیں حاصل کیں۔

بھارتی ٹیم پہلی اننگز میں 325 رنز پر آؤٹ ہوگئی تھی،نیوزی لینڈ کے بولر اعجاز پٹیل نے پوری ٹیم کو اکیلے آؤٹ کیا تھا۔ جواب میں نیوزی لینڈ ٹیم پہلی اننگز میں صرف 62 رنز ہی بناسکی تھی۔

خیال رہے کہ بھارت اور نیوزی لینڈ کے درمیان کانپور میں ہونے والا پہلا ٹیسٹ سنسنی خیز لمحات میں داخل ہونے کے بعد ڈرا ہوگیا تھا۔