سوئی ناردرن کیخلاف عالمی عدالت نے ناقابل یقین فیصلہ سنا دیا

لندن:برطانوی دارالحکومت لندن میں قائم بین الاقوامی ثالثی عدالت نے 19 ارب روپے کے ہرجانہ کیس میں سوئی ناردرن گیس پائپ لائنز لمیٹڈ (ایس این جی پی ایل) کے خلاف  فیصلہ سنا دیا۔

نجی ٹی وی کے مطابق ایس این جی پی ایل کے خلاف ہرجانے کا دعویٰ حویلی بہادر شاہ اور بلوکی میں 1200 میگا واٹ کے گیس پاور پلانٹس چلانے والی کمپنی نیشنل پارکس منیجمنٹ نے دائر کیا تھا۔

2018 میں ایس این جی پی ایل نے دونوں پلانٹس کو 10 ارب روپے کا بل بھیجا تھا ، جب یہ معاملہ پاکستانی سپریم کورٹ میں پیش ہوا تو فیصلہ سوئی ناردرن کے حق میں آیا۔ اس کے بعد نیشنل پارکس منیجمنٹ نے لندن میں بین الاقوامی ثالثی عدالت سے رجوع کرلیاجہاں سے فیصلہ سوئی ناردرن کے خلاف آیا ہے۔

ایس این جی پی ایل کے ترجمان کا اس حوالے سے کہنا ہے کہ یہ معاملہ آئل اینڈ گیس ریگولیٹری اتھارٹی (اوگرا) کے سامنے اٹھایا جائے گا۔