دوسری امن کپ روڈ سائیکل ریس کا افتتاح 25 دسمبر کو ہو گا

کراچی : ڈسٹرکٹ ملیر سائیکلنگ ایسوسی ایشن کراچی کے زیراہتمام دوسری شہدا سندھ پولیس و پاکستان رینجرز امن کپ روڈ سائیکل ریس کا افتتاح 25 دسمبر کو ملیر ایس ایس پی آفس پرہوگا۔

ایونٹ میں خواتین سائیکلسٹ دستہ کے علاوہ سوئی سدرن گیس، ڈیفنس بائیکستان کی ٹیمیں بھی حصہ لیں گی۔ریس کا اختتام اسٹیل ٹائون پرہوگا۔

ڈی آئی جی کراچی ویسٹ حاجی ناصر آفتاب، چیف ایگزیکٹو جنرل ٹائرز پاکستان حسین علی قلی خان، سردار سجاد بلوچ، جاوید خان پٹھائی، احسان اللہ بلوچ، ایم پی اے سندھ بلوچ، ایڈمنسٹریٹر بلدیہ ملیر ریاض کھتری، خواجہ حمیدالدین کوکب، عزیز خان سواتی، محمد ابراہیم عیسیٰ آسکانی، استاد غلام رسول ڈیوا، الحاج محمد گل جدون، عدنان رسول بخش بروہی، ساجد حقانی، حارث قادر، جان محمد بلوچ، سہیل بٹ، اور دیگر زندگی کی ممتاز شخصیت شرکت کریں گی۔